小洋蔥 (已結業)

秀茂坪商場開左幾間新食肆，見呢間小洋蔥都有多人排緊隊，今晚就決定同家人一齊去食。我地分別叫左個吉列豬滑蛋飯、海南雞飯同卡邦尼煙肉意粉。吉豬蛋飯 $52整體都 OK，對得起呢個價錢但平時食開好野既我，認為佢可以改善下列幾點：1) 豬排唔夠脆2) 滑蛋有d老3) 飯太腍海南雞飯 $65雖然有點小貴，但呢個雞飯好正，味道一流。雞軟滑，有雞味，飯軟硬適中，重有三種醬可以沾。正!不過個紅蘿蔔湯好咸，呢個要好好改善卡邦尼意粉 $55意粉只係普通既白汁意粉，冇咩特別，叫對得起個價錢啦! 個蘑菇忌廉湯好好味好重蘑菇味，好重料。環境都 OK ,卡位唔駛搭枱，但冇咩服務，要自己出去拎水。