丼丼屋 (創紀之城五期(apm))

营业中

休息中

星期天晚上, 同朋友睇完戲就已經去拎飛等位食晚飯! 星期天的apm果然好多人, 等左一個小時多先有位, 都預計都等甘耐架喇。黎到丼丼屋, 當然食丼飯喇!!我點了信州味噌豬扒飯, 未試過同埋都喺日本餐廳少見, 所以叫黎試試~豬扒飯會賣相都勁吸引, 三大塊炸豬扒沾上信州味噌醬汁, 食落酸酸甜甜, 豬扒唔會鞋, 但如果更肥美會更好味。一個人食一碗確實有啲難, 因為醬汁都比較漏, 好彩一開始俾左件豬扒朋友, 唔係真係食唔哂。另外點了抹茶紅豆, 紅豆唔太甜, 抹茶少少甘, 都幾好味, 可以為我嘅豬扒飯解膩。