洋麵屋 五右衛門 (已結業)

星期五晚放工同朋友去九龍灣食飯 淘大有好多間餐廳最後俾呢間日本舖吸引咗見佢套餐唔算太貴一百蚊左右有交易 我哋叫咗兩個套餐share食 一個牛油果蟹肉意粉 一個海鮮燴飯套餐包咗餐湯 佢係一碗好濃好creamy嘅蘑菇湯 前菜有個蝦多士 略嫌餅乾有啲走氣 淋咗 但中間個沙律幾好味 主菜牛油果蟹肉意粉 牛油果份量唔算多 整體食落同卡邦尼亞意粉不太大分別 至於燴飯比較有驚喜佢材料都好粥有蘑菇青口蝦 個汁好香忌廉味不過相對意粉就比較鹹 所以食完都好頸渴 餐飲叫左杯抹茶牛奶 唔算難飲但冇特別驚喜可能佢加冰加得比較多綜觀嚟講呢一餐價錢中等  食物不過不失 但未至於好出色 所以短期內未必會再去食