芝樂坊餐廳

週末海港城總是人頭湧湧，晚飯時間間間餐廳都大排長龍。六點嚟到呢間開業多年但都係好多人排隊嘅美式餐廳，要排個半鐘先有得食，咁我哋去行商場行多陣再返嚟食。首先叫咗個侍應推介嘅California salad，上到枱個portion真係好大😂有牛油果醬、好多生菜、tacos等等，夠晒refreshing健康🤣跟住叫咗另外一個Appetiser 係脆卷拼盤，有4款春卷包括牛油果、芝士漢堡、三文魚、tex mex，同埋唔同嘅醬汁，多選擇又幾好食👍最後叫咗個main dish蝦天使麵，portion真係超大，勁多天使麵，相比之下蝦肉略嫌較少。我哋兩個人完全食唔晒，要打包走🙈總括而言，依間餐廳適合一大班人聚會，兩個人食真係食唔到咁多，試唔到好多款式。我哋下次都唔會再等個半鐘專登食依間餐廳😂