那霸沖繩料理 (已結業)

之前都曾經黎過呢間餐廳，印象普通，沒太特別。因為在公司附近，所以今次再同同事黎食。食之前上黎望望食譜..心諗..弊傢伙..d 午餐定食份量唔多。擔心食唔飽 於是就叫左十件壽司定食。跟沙律，前菜，蕎麥麵同飲品。沙律-唔記得影相，因為叫完野食無耐，就有人埋黎放低沙律同前菜。只係生菜沙律加左芝麻汁，特別在有薄薄苦瓜片。食完前菜沙律，竟然係會蕎麥麵黎先 以往去其他日式店都係最後先上麵食，又或者係師傅整唔切壽司 對於呢個上食物既次序有d 怪怪。咁概然熱食到左都要食左先啦，同埋當然好肚餓了...睇落唔係好大碗，但原來入面好多麵 等左陣就黎壽司了唔知係個碟太大定waiter 拎得唔好。碟壽司落到枱果時，好似打完風咁...歪埋一邊其實壽司質素不錯，魚類，甜蝦，貝類都很好。係海膽差少少，有 d d 煤氣味.由於已經食左成碗麵落肚，都好難唔飽既，食到壽司最尾兩件，已經飽飽地 最後飲品得柚子茶/咖啡，我揀左柚子茶。係好hea 既一pat 醬加水 作為完結。整體黎講，食物質素ok的，不過比起其他中價日式店，仲有好多地方唔夠細心。以相約既價錢，我去銅鑼灣食好過lu ~~~~~~~