利強記北角雞蛋仔 (已結業)

呢日來到屯門，行到屯門市廣場，見到北角雞蛋仔原來在裡面開了一間分店，咪走去試下囉。呢間嘢挾北角雞蛋仔的名氣，真係吸引到好多人來幫襯，排隊買雞蛋仔的人仲多過幫襯隔離間麥當勞的人，其實佢的雞蛋仔都幾貴，一底都要$12，但係要食佢的雞蛋仔都要排隊俾錢按輪候號碼等候叫號碼先有得食。等左央大約10分鐘左右，終於有得食，即刻拿上手試試，新鮮出爐當然夠熱辣辣啦，食落也的確夠脆，但係蛋味就唔算特別濃，雖然口感尚佳，但就未至於真係話好好食囉，只係算係ok咁啦！不過如果來到屯門呢附近，又口痕痕想食雞蛋仔的話，都可以幫襯下嘅！