上海小籠皇 (已結業)

今日LUNCH 想食上海野, 於是同同事們一齊去麗城薈既上海小籠皇。午餐選擇好多, 唔想食飯, 可以揀食粗炒同湯麵, 仲可以加冷盤同小籠包。而家天氣咁乾, 仲有桂圓雪梨茶可以點。今日涼涼地, 就點個酸辣湯雲吞黎食啦! 酸辣湯雲吞 - 雲吞有4 粒, 酸辣湯有少少太咸, 不過酸度辣度都好足, 如果可以少咸就好了。另外點左桂圓雪梨茶, 秋天飲好清潤, 個人即刻感覺冇咁乾。