Gastrobox by Okapi Cafe (已結業)

今個星期天去西貢郊遊一下。天陰陰，行咗一圈見其他餐廳無乜人咁，就揀咗呢間喇（因為之前食過尖沙咀嗰間都覺得OK)點咗兩個意粉set lunch麵包：微熱，外層鬆脆，內裡OK軟熟。牛油一切溶開，容易喺包上塗開來食，難得 餐湯：周打魚湯。我飲咗一啖同Mr A 對望，話「個湯太稀」，佢即時點頭話「你都知我係咁諗呢？」。個湯並無預期中周打魚湯的creamy 感。無乜魚或海鮮味，似普通白湯多點，不過味道還可以的。海鮮墨魚汁麵：配料有青口、魷魚、蝦等。當中以青口比較出色，肉質嫩滑，煮得剛好。其他海鮮就似係配料仔。最怕意粉太乾唔夠汁，呢個意粉嘅墨汁非常足夠，食到我地兩個咀唇中毒咁黑Mr A 話如果初次約女仔就唔應該食呢個意粉，嚇親人。味道來説不過不失，醬汁無乜鮮味，但整體上還是OK。相對地，白汁煙三文魚波菜天使麵比較好味。雖然三文魚肉比較少，但醬汁非常creamy, 意粉食起上來都會掛有一些菠菜條，味道好㚒。