金銘潮州粉麵 (竹園街市)

星期六約咗朋友喺竹園室內運動場打波，打完波肚餓搵地方醫肚，原來竹園街市大裝修後，有一半嘅位置改成熟食店，好似叫竹園夜市，原來最夜收凌晨一點...
扮遊客嘅我都兜咗一個圈睇吓有咩食先，而一向鍾意食粉麵嘅我，見到有潮州粉麵就入去試吓...

入到店內感覺枱與枱之間嘅位置都好闊落，唔會有逼逼夾夾嘅感覺。

叫咗碗牛腩米粉，超快嘅速度送上。
牛腩都算淋，而且都算入味，但嫌湯底有味精，食完口渴，如果叫撈麵可能會好一點。

一般大眾化價錢