星馬茶室 (形薈) (已結業)

形薈商場細細，但開了差不多十間各式各樣的食肆。同太太經開筲箕灣，食個快餐，揀咗呢度。順帶一提，呢度前身係楚留香酒樓，我讀書時仲喺酒樓做過暑期工，而家已經面目全非。喇沙摻摻，兩種麵底溝埋，湯底香濃。配料普通的冰鮮蝦，蟹柳、魚片等等。不過$65連凍飲都OK啦。海南雞飯拼肉骨茶，海南鷄質素不錯，皮好薄，配三種醬料。肉骨茶細細碗，但湯如果能再熱啲便更好。餐廳用餐環境舒適，座位闊落，食物價錢不貴，性價比不錯。