錦丼 (iSQUARE國際廣場) (已結業)

今晚我同朋友去睇performance。佢見到啲魚生就想食。入到餐廳，似日本啲居酒屋。上面掛左鯉魚旗。之後我就望住個餐牌，又唔想叫生嘢食。見到有便當就想食，結果出羽櫻便當。個便當會多個飯，我就叫咖哩豚肉飯。落完單唔洗3分鐘就上菜。快到無人有出羽櫻便當的前菜係芥末魷魚。芥末魷魚份量細細份。食落去幾彈牙。而且辣辣地煮物都係細細份，有蘿蔔、牛肉粒、雜菌。蘿蔔有少少甘味。牛肉粒就都老左少少牛肉雜菌，用牛油整啲菇。牛肉偏老，上的時候唔係熱上，所以有少少失望。天婦羅沙律，隻蝦都係凍。沙律都係生菜加柚子醋。食落去有少少酸。生菜無咩啡色。算係咁。豬扒飯份量就一個普通飯碗份量。豬扒炸到過龍，豬扒都幾夠厚。但都幾靱。咖喱汁唔多呀。但個汁幾好唔太辣，有少少甜。我欣賞侍應的服務，因為我地落左一杯啤酒，叫佢拎多隻杯。佢就即刻拎俾我。