唐宮小聚 (荃新天地) (已結業)

家中兩老紀念日， 想搞搞新意思，所以揀咗呢間有d 特色嘅中菜。裝修有特色，碗碟擺設也特別精緻。重點講講嘢食。事前做了research，知道菜式份量較少， 所以比平時叫多幾樣。叫d 招牌乳鴿， 本來想作為前菜， 但可惜最後先到， 味道亦太咸， 有點失望。前菜如豬手、薰魚等都非常不錯， 份量比較少，可以多叫幾款。全晚最好吃的是荷葉飯及肥牛叉燒。 荷葉飯比大酒樓更有水準， 飯香配料足， 全枱人都滿意。 另外肥牛叉燒也不錯， 味道和傳統叉燒差不多， 但配上和牛質感， 十分特別。 其他菜式就較一般， 份量亦較少， 總括來講餐廳環境和賣相有特色， 但菜式份量較少，味道亦有點參差， 價錢也偏貴。