會所1號 維港皇宴

营业中

休息中

疫情稍緩下，原本約朋友四人聚餐，不幸地朋友突然不適，剩下我們兩公婆，照食可也。食店位處尖沙咀帝國中心，無敵海景，裝修新淨，環境衞生，招呼等都算先勝一籌。頭盤和放題賣點是龍蝦半份，佛跳牆一盅(鮑魚花膠節瓜甫），兩款都值得回味。還要配給的翅湯(不夠熱和少翅）和乳鴿（非即炸）就質素平平了，心想任食乳鴿都吾會蝕本啦！其他小菜就不過不失啦！冇乜驚喜也未算失望。較出色的包括叉燒(翻叫了三次）和手撕雞，其他竟然吃過卻沒有印象記憶了。最後的甜品只有movenpick一杯，若加設其他糖水甜點，成本都吾高嘛！有就加分啦！可惜...整體上，呢個價錢算抵食，如果有埋肥仔朋友一齊撐枱腳，有傾有講就更美滿。在此，祝願肥仔老友早日康復，再約吃喝。