灣景廳

係OpenRice 睇到灣景廳有「鮑參肚燕」已經好吸引，成功訂位當日起三天內預繳每位$100訂金可享優惠，我揀星期五，所以成人$448免加一，咁當然吸引我去試。冷盤海鮮都唔少，有冰鎮蝦、翡翠螺、青口、蟹腳、沙白蜆和生蠔等。不過生蠔refill比較耐，而且當日生蠔唔夠肥美。前菜和沙律都不錯，煙三文魚和意大利風乾火腿配蜜瓜都是我喜歡食的食物沙律菜好新鮮，沙律醬汁亦有4款選擇，我就選擇左丘比沙律汁，酸酸甜甜好開胃。每人都有姫松茸鮑魚海參花膠燉湯一盅，燉湯好夠火喉和鐵板鮑魚一隻。甜品種類亦好多，花膠燉糖冬瓜糖水非常潤喉，燕窩蕉糖燉蛋和萄撻都好香蛋味，火焰車厘子就麻麻，紅酒啫喱帶少許紅酒味又唔太甜，唔識飲酒都可以食，記得要食movenpick雪糕，咁就更加快回本😂✌️又有我喜歡食既北京片皮鴨，皮脆油香牛排及羊排都唔錯，薑醋夠入味，熟食其實都唔少，介紹唔到咁多，如果有興趣就去試一試