王子神谷 (已結業)

之前見facebook講呢間係台灣人氣梳乎厘班戟店黎左Mira Mall附近開店，本身以為會好多人排曬隊，平日夜晚黎居然冇咩人。見個menu除左班戟以外，仲有雪糕同野飲售賣。既然我又想試下呢到既雪糕同班戟，就叫左個濃厚北海道牛乳軟雪糕梳乎厘班戟（$88），值得讚賞既係即叫即整，大約等15mins就有得食。第一啖食雪糕，牛奶味非常重，好滑又唔膩，食到唔想停。到食主角班戟，個人覺得有點失望，蛋香係有，而且好厚實，仲要有兩大舊，但中間有點兒太乾身，可能如果班戟上有淋一d汁會比較好。總括黎講，呢到既雪糕比較出色，而且性價比不高，因為冇位置坐。