影片
更多
2019-04-21
320 浏览
復活節長假期，點可以留係屋企，一於約個朋友入長洲去玩一日，順便食個海鮮大餐!本身係想去OpenRice最多哈哈笑果間海鮮餐廳，點知6點去到，佢地話已經冇位，而佢附近果幾間餐廳都仲有好多位，我地唯有係附近再搵過第二間!行到真味海鮮，店員推銷話4款海鮮 - $328 仲會送一個菜，見到入面都坐到半滿，就入去試一試啦!落完單好快就已經上齊晒d海鮮豉椒炒蟶子下面全部係殼，上面係細隻既蟶子，份量唔算好多，但都爽口惹味薑蔥炒蟹3隻細蟹雖然冇咩膏，不過都尚算新鮮椒鹽炒蝦炸完既蝦好彈牙，椒鹽辣辣地好惹味! 係4個入面最好食既蒜蓉粉絲蒸扇貝蒜蓉粉絲好香口，扇貝勁細隻，食完都冇咩感覺腐乳炒通菜冇咩腐乳味，不過個炒菜仲好爽脆明明見到隔離枱果d海鮮好大碟好大隻，不過睇落就應該唔係叫套餐套餐都成$82一個餸，睇完Menu覺得好似散叫會抵d...不過總體都算係不過不失
本身係想去OpenRice最多哈哈笑果間海鮮餐廳，點知6點去到，佢地話已經冇位，而佢附近果幾間餐廳都仲有好多位，我地唯有係附近再搵過第二間!
行到真味海鮮，店員推銷話4款海鮮 - $328 仲會送一個菜，見到入面都坐到半滿，就入去試一試啦!
落完單好快就已經上齊晒d海鮮
豉椒炒蟶子
下面全部係殼，上面係細隻既蟶子，份量唔算好多，但都爽口惹味
薑蔥炒蟹
3隻細蟹雖然冇咩膏，不過都尚算新鮮
椒鹽炒蝦
炸完既蝦好彈牙，椒鹽辣辣地好惹味! 係4個入面最好食既
蒜蓉粉絲蒸扇貝
蒜蓉粉絲好香口，扇貝勁細隻，食完都冇咩感覺
腐乳炒通菜
冇咩腐乳味，不過個炒菜仲好爽脆
明明見到隔離枱果d海鮮好大碟好大隻，不過睇落就應該唔係叫套餐
套餐都成$82一個餸，睇完Menu覺得好似散叫會抵d...
不過總體都算係不過不失
张贴
