泰國人海南雞 (福榮街)

由於其他餐廳都要等位，所以入左去試。一直都有見到佢有好多分店，但係講到食就第一次食。叫左個招牌海南雞飯，57蚊包湯同野飲。野飲叫左凍奶茶，好唔掂，好似冇落糖漿咁，叫左佢比啲糖漿我落，落完分別唔大。一開始仲以為係泰式奶茶，感到比fake了。然後雞飯係已經去左骨上，幾好唔錯，雞都滑既唔會好乾，不過就印象唔算令人好深刻。油飯嚟到個陣我以為佢比白飯我，食落係有油味同埋都比較黏口，我自己就比較中意黏黏地既油飯，不過就冇乜味。整體不過不失既連鎖店。