影片
更多
2010-10-31
21 浏览
因之前都冇寫過食評,而家一連開始寫返晒之前試過既野......見open rice既食評好似都幾好,自己又鐘意食日本野,咁咪去試下囉,我提早左2日book位,但已經要坐佢個d bar枱啦,個日唔係星期五,我6點半去到,都已經坐滿左好多人。第一round,先黎刺身同埋送既海膽手卷,帶子好味....我encore左幾次,三文魚略為普通,唔太好味同新鮮,蝦就因為要自己剝殼,所以唔係食左好多,因為我唔係好鐘意食海膽,但食落口都覺得ok,唔會有陣臭味~第二round就食佢d凍食,三色沙律冇咩特別,都係d豆呀同菜咁,而佢個個冷面就值得一試,好爽口,唔錯!第三round就食鐵板燒,最值得讚既仍然係帶子,佢左d黑椒上去,一食落去都好鮮味....但其他鐵板燒就麻麻地......第四round到天婦羅,全部都冇咩味....淨係食到佢既"粉"味.....其他咩都食唔出係咩味道第五round到熟食,佢個蜆粥都幾鮮甜,真材實料架!個人參湯一黎既時候,我見佢冇料.....諗住唔好味架啦,點知飲落去又好大陣人參味喎,豆腐鍋同牛肉鍋都還算可以,值得一讚既係佢d牛肉好好味....好香牛味架!最後到甜品,炸香蕉好正,估唔
而家一連開始寫返晒之前試過既野......
見open rice既食評好似都幾好,
自己又鐘意食日本野,咁咪去試下囉,
我提早左2日book位,但已經要坐佢個d bar枱啦,
個日唔係星期五,我6點半去到,都已經坐滿左好多人。
第一round,先黎刺身同埋送既海膽手卷,
帶子好味....我encore左幾次,三文魚略為普通,唔太好味同新鮮,
蝦就因為要自己剝殼,所以唔係食左好多,
因為我唔係好鐘意食海膽,但食落口都覺得ok,唔會有陣臭味~
第二round就食佢d凍食,
三色沙律冇咩特別,都係d豆呀同菜咁,
而佢個個冷面就值得一試,好爽口,唔錯!
第三round就食鐵板燒,
最值得讚既仍然係帶子,佢左d黑椒上去,
一食落去都好鮮味....
但其他鐵板燒就麻麻地......
第四round到天婦羅,全部都冇咩味....
淨係食到佢既"粉"味.....其他咩都食唔出係咩味道
第五round到熟食,佢個蜆粥都幾鮮甜,真材實料架!
個人參湯一黎既時候,我見佢冇料.....諗住唔好味架啦,
點知飲落去又好大陣人參味喎,
豆腐鍋同牛肉鍋都還算可以,
值得一讚既係佢d牛肉好好味....好香牛味架!
最後到甜品,炸香蕉好正,估唔到一咬落去.....好香呀同好軟熟,正!
烤菠蘿冇咩特別,只係酸酸地咁,
但估唔到最期望既抺茶忌廉拌紅豆係最失望..
食落去咩味道都冇....只係食到好凍!
是晚2個人食,加埋一都係$240一位,而且冇限時,
唔會好似其他放題咁限住你食個幾鐘,
雖然食物款式唔係好多,但質素卻比百幾蚊個d好好多!
张贴
