阿Sir廚房 (已結業)

前幾日嚟咗呢間“學校”到食飯。 餐廳主題好得意 有校規貼咗係board到咖哈哈。本人就點咗“口水雞餐” 配菜飯同埋一碗例湯。 菜飯嘅菜太少啦 其實同食白飯冇咩分別。 而個口水雞都嫩嘅 唔算好辣 不過個口水汁個人覺得唔夠正宗。同行友人點咗“胡椒豬肚雞” 配白飯。 呢個湯就出色啦味道岩岩好胡椒味唔會太多 可惜個雞就比較“鞋”。另外仲點咗個喇沙麵。個喇沙湯底係正嘅 只係個麵就好淋 一啲口感都冇 可以改進下個麵質就會好啲。