影片
更多
2023-06-26
560 浏览
我係荃灣人，荃灣廣場係我最常行嘅商場，沒有之一。我行親地庫都會見到地庫d餐廳特別靚，但我又真係好少去試。難得有朋友話會同我制霸哂成個地庫，我一定應承，誰怕誰？第一間就係Homeland，友人話大埔都有一間，佢話佢食過ok話可以試左呢間先，就行入去。荃灣店裝修其實我麻麻地，第一我一條三張野嘅麻甩佬，配佢咁pink嘅主色，加咁多嘅花花做裝飾係有點格格不入，二來我成日話呢d風格好考設計師，有時fantasy同亂係一線之差。明白餐廳希望有唔同打卡位，其實你打卡係唔覺有問題，因為你打卡係一個個位咁打。但如果你係親身黎，你就會覺得咩都有，有少少亂。不過有一點係要讚，就係餐廳做強調要客人開心，如果你生日，佢係會畫碟，有哂公仔同Happy Birthday，仲同你影哂即影即有相，帶女朋友黎，你一個celebration gift set，男朋友安全得到餐廳保障，算係咁。烏克蘭獵人豬肩肉燉飯配煙三文魚凱撒沙律 $148上碟第一件事，好！大！碟！我已經話我一定食唔哂。豬肩肉煮到好淋好入味，冇牙都食到果種。唯一有少少問題就係呢個應該係一個意大利飯造法，但佢冇左意大利飯入口個略帶米心嘅質感，就係完全熟哂嘅感覺
烏克蘭獵人豬肩肉燉飯配煙三文魚凱撒沙律 $148
上碟第一件事，好！大！碟！我已經話我一定食唔哂。豬肩肉煮到好淋好入味，冇牙都食到果種。唯一有少少問題就係呢個應該係一個意大利飯造法，但佢冇左意大利飯入口個略帶米心嘅質感，就係完全熟哂嘅感覺。而煙三文魚凱撒沙律細細碗份量剛好，煙三文魚味到不會太濃，加上凱撒汁口味清新開胃。所以呢個組織係十分合適！
墨西哥芝士餡餅 $148
我喜歡食Quesadilla，因為Quesadilla一般味道都比較大開大合，好鮮明，呢個味道就帶少少辣，如果你怕辣，佢配有牛油果醬同酸乳酪俾你去中和返，係一定一定唔食辣都可以食到。而且芝士同豬肉係口感上，係味道上都十分配合，成為左今餐嘅MVP！香濃芝士焗西蘭花 $38
焗芝士西蘭花係我話叫，因為食呢類西餐，我好喜歡叫d焗菜，一係菠菜，一係西蘭花。芝士焗就一定係好香嘅，而呢個用微金黃的芝士加上好淋嘅焗西蘭花，就突然令餐飯warm左，有種家庭感覺。Matcha Latte 跟餐$28
係，一係一杯Matcha Latte，我冇野補充，多謝。－。
玫瑰氣泡蝶豆花茶 跟餐$38
由於童年陰影關係，我其實好少飲呢d花茶野，不過呢個係一個香港本地品牌，就試下吧！如果係本身喜歡玫瑰花茶，呢個做到哂你要嘅野，蝶豆花味道突出，少女心滿滿，叫俾女朋友冇錯了！
张贴
