Hands-On Coffee (已結業)

放工想靜靜地揾間cafe坐下，咁啱揾到呢間喺正China Mobile上面既Hands-On Coffee。餐廳環境都唔錯，中間係bar枱，我同朋友就坐喺望住出面街嘅位。忌廉黑松露野菌意粉（$88）整體上不過不失，眼見野菌有幾款，都幾新鮮。略嫌意粉有少少油膩，黑松露味唔夠重。香腸拼盤（$128）意外地好食！內有法蘭克福腸、西班牙香辣腸、英式豬肉腸、香濃芝士腸同維也納蛇餅腸，講真個句其實除咗辣同埋juicy d個條腸之外其他都分唔清。最中意個條juicy腸係維也納蛇餅腸，就算切開咗細細塊，肉汁依舊保存喺肉裏，一啖一juice，好惹味！