白宮咖啡室 (已結業)

最近都要一人晚餐, 放工行去荃灣廣場呢邊多D選擇, 雖然好多餐廳都食過,  不過都有新發現.呢間白宮響角位, 唔熟呢頭可能會睇漏眼. 起初以為得好少位, 原來有上層, 夠晒私人空間.晚市有set dinner, 或者散叫既小食, pasta之類, 價錢都唔貴.最驚喜係朱古力, 咖啡果D可以選公仔圖案.Set Dinner要個慢煮豬鞍架, 跟餐仲有餐湯, 飲品.飲品要左熱Mocha配豬仔圖案, 豬仔樣整得好似, 好靚. 而飲品味道唔會太甜, 咖啡味亦好香濃.到主菜黎到, 份量都不少, 豬鞍架算大又厚表面煎到微焦, 切開好軟熟, 唔會又乾又韌. 一啖入口確實好軟腍入味, 肉味濃香, 所以少少鹽同胡椒已經帶出味道, 唔洗太重口味. 而且脂肪唔厚, 同肉一齊食更覺香口, 但唔肥膩.剩係食扒驚唔夠飽, 好彩有薯角, 係新鮮炸, 熱辣辣好脆, 炸得乾身唔油.仲有一堆沙律菜, 乾淨新鮮.餐湯係忌廉栗米湯, 唔算好稔, 飲完唔會太飽.整體好舒服, 下次約幾個朋友一齊黎傾下偈, 食下野應該幾好.