小確幸

营业中

休息中

係網上睇過介紹，早早己想一嘗布丁燒，今日先有空檔特地入元朗食。其實位置都算易搵，係豐年路落車行一陣就到，附近都有一整列食肆，都幾集中。店面日風幾整潔，仲有隻招牌貓頭鷹坐陣。裡面有一張小吧枱，外面有一張木枱供客人堂食。三人買左一個抹茶味、一個原味芝士布丁燒，坐係室外座位品嚐。店員都好有禮貌，買個陣有同我地講食左芝士味先會好d,都幫我地倒埋出來。布丁燒上印上既貓頭鷹圖案感覺係幾有heart❤️睇落賣相的確幾吸引，食落其實都不俗，不過本身睇介紹令我期望有點高而已。原味芝士：甜度適中，布丁滑溜爽身，口感唔錯，配上都係我最愛既芝士蛋糕底，幾ok的。不過未算有驚喜感覺。抹茶味：布丁感覺結身d,抹茶比較濃郁甘口，雖有回香，但覺得如清淡點會更好，抹茶味道濃有點蓋過芝士蛋糕香味。