影片
更多
2019-05-11
261 浏览
同朋友到明愛醫院探望剛榮升媽咪嘅好友同盟B。返家前兩人想速食個簡單粥粉麵，上Open Rice搜尋到呢間位於昌華街叫麻辣.茶.雲吞店舖，見絕大部分食評都讚佢夠正宗、麻辣、有心、大大粒足料、惹味、新鮮......就去試試吧！店舖雖然細細哋，但勝在乾淨企理，夠光猛。樓底裝飾好有cyber feel！麻辣麵、擔擔麵、湯麵、秘撈麵 、小食同特色飲品樣樣睇落都好好味，好吸引！先來碟蠔油生菜，走咗油嘅生菜會健康啲，但仍然保持青綠爽脆又新鮮。絕對係"正菜"呀！韭菜豬肉雲吞加魚蛋同魚片頭，選秘製麻辣味湯底。魚蛋同魚片頭彈牙有口感，雲吞皮厚薄適中，韭菜同豬肉餡料比例均勻，食到韭菜嘅獨特香味同豬肉嘅鮮味。麻麻辣辣嘅湯底將碗雲吞味道提升。如果覺得唔夠辣，仲可以加埋自家製辣菜脯。雙拼韭菜豬肉、粟米豬肉雲吞，加雞扒、魚片頭同烏冬，選瑤柱豬骨湯底。香煎雞扒大大塊夠入味，肉質嫩滑，完全零肥脂，愛健康人士必選。烏冬夠厚實，入口爽滑煙韌又彈牙，但又吾會過硬。粟米豬肉雲吞同樣出色，雲吞皮腍而不爛，肉餡飽滿。用瑤柱豬骨熬成嘅湯底味道鮮而濃甜。店鋪名果然貼切“”，兩碗雲吞看似簡簡單單，但從雲吞嘅口感，至湯底嘅味道都是水準之作
店舖雖然細細哋，但勝在乾淨企理，夠光猛。樓底裝飾好有cyber feel！
麻辣麵、擔擔麵、湯麵、秘撈麵 、小食同特色飲品樣樣睇落都好好味，好吸引！
先來碟蠔油生菜，走咗油嘅生菜會健康啲，但仍然保持青綠爽脆又新鮮。絕對係"正菜"呀！
韭菜豬肉雲吞加魚蛋同魚片頭，選秘製麻辣味湯底。
魚蛋同魚片頭彈牙有口感，雲吞皮厚薄適中，韭菜同豬肉餡料比例均勻，食到韭菜嘅獨特香味同豬肉嘅鮮味。麻麻辣辣嘅湯底將碗雲吞味道提升。如果覺得唔夠辣，仲可以加埋自家製辣菜脯。
雙拼韭菜豬肉、粟米豬肉雲吞，加雞扒、魚片頭同烏冬，選瑤柱豬骨湯底。
香煎雞扒大大塊夠入味，肉質嫩滑，完全零肥脂，愛健康人士必選。
烏冬夠厚實，入口爽滑煙韌又彈牙，但又吾會過硬。
粟米豬肉雲吞同樣出色，雲吞皮腍而不爛，肉餡飽滿。用瑤柱豬骨熬成嘅湯底味道鮮而濃甜。
店鋪名果然貼切“”，兩碗雲吞看似簡簡單單，但從雲吞嘅口感，至湯底嘅味道都是水準之作，好吃而且有人情味。如果冇估錯，應該係家庭式經營，做嘅係街坊生意，連外賣也親力親為送去。值得嚟試試。
张贴
