影片
更多
2018-10-22
153 浏览
香港人一向都喜愛打邊爐，不論中，日，連西式既芝士火鍋都唔會錯過，泰式邊爐試過未呢～？我自己就未試過。由我男朋友介紹去一間名叫邊泰爐，聽個名好似變態佬呢，當然唔係啦～食泰式邊爐，第一次去食泰式既邊爐。地點位於瓊華中心九樓。去玩發現裝潢有幾分似老蘭既，由其係佢既霓虹燈，係香港真係已經少見，坐底後已經感受到內場侍應哥哥既熱情招待，簡單介紹過一輪後，原來轉左新餐單，主要分三部分；普通既湯底，泰式雞煲，海鮮雞煲套餐。最後我地點左海鮮雞煲套餐，不過我想試埋佢其他既湯。所以加少少錢升級左2個湯，因為可以一試佢既椰子湯，同埋冬蔭公湯。係等待湯底既同時，我發現呢度有自動甜品，小食，飲品既區域，客人可以因應自己要求去挑選自己既小食，醬料，我就拎左一款小食，汽水同埋果汁；小食就有椰汁玫瑰花，個樣幾靚同埋味道方面偏向微甜，清清地唔錯～海鮮套餐還包了前菜，泰式豬肉生菜包，份量滿滿，味道夠辣夠刺激。入正題啦～椰子湯味道清甜，雞肉係烏雞黎。好少雞煲既底味係用烏雞，原來用烏雞呢個想法係由經理提出既。呢點值得一讚，雞件味道鮮嫩，唔會太老，好滑口，最緊要係個湯岩哂怕辛辣既朋友，食左兩三件，套餐既配料終於黎啦！先黎係一碟有
地點位於瓊華中心九樓。去玩發現裝潢有幾分似老蘭既，由其係佢既霓虹燈，係香港真係已經少見，坐底後已經感受到內場侍應哥哥既熱情招待，簡單介紹過一輪後，原來轉左新餐單，主要分三部分；普通既湯底，泰式雞煲，海鮮雞煲套餐。
最後我地點左海鮮雞煲套餐，不過我想試埋佢其他既湯。所以加少少錢升級左2個湯，因為可以一試佢既椰子湯，同埋冬蔭公湯。
係等待湯底既同時，我發現呢度有自動甜品，小食，飲品既區域，客人可以因應自己要求去挑選自己既小食，醬料，我就拎左一款小食，汽水同埋果汁；小食就有椰汁玫瑰花，個樣幾靚同埋味道方面偏向微甜，清清地唔錯～
海鮮套餐還包了前菜，泰式豬肉生菜包，份量滿滿，味道夠辣夠刺激。
入正題啦～椰子湯味道清甜，雞肉係烏雞黎。好少雞煲既底味係用烏雞，原來用烏雞呢個想法係由經理提出既。呢點值得一讚，雞件味道鮮嫩，唔會太老，好滑口，最緊要係個湯岩哂怕辛辣既朋友，食左兩三件，套餐既配料終於黎啦！
先黎係一碟有蠔，大蜆，鮑魚，大蝦等等既海鮮！味道方面，蠔肉好肥美，漲卜卜，啖啖；鮑魚爽口彈牙，加上十分新鮮，煮耐左都唔會擔心會太硬，值得大家一試。海蝦梗加一絕，非常新鮮，因為我係去殼既時候發現蝦非常痂殼，新鮮先有，同埋好貼心，一早事前去左蝦腸，非常欣賞！其他海鮮都同樣出現，未能一一盡錄。食店絕對唔會令大家失望
安格斯肥牛
牛肉薄片，口感入口即溶，好少地方食到咁高質既牛，我覺得份量岩岩好，呢間食店果然落足本～連黑豚肉片同羊肉都同樣出色，三兩下就食得，羊肉唔會太騷，最欣賞係個黑豚豚肉，牛同豚肉片相比之下，個人會選豚肉片，因為肉片厚度恰到好處，係煮既時候唔洗太長既時間，同埋入口既時候食到幾重既肉味。
新鮮蔬菜拼盤
係好多人既眼中，菜都唔太起眼，因為好多人覺得菜都係平平無期，都係日日咁食，其實我會留意佢清洗是否乾淨，呢間絕對安心食用，份量足夠二人用，同埋鮮菇都非常乾淨，帶有少少菇既香味。
最後當然點少得甜品呢～用一個淡奶涼粉終結呢個咁好食既泰式邊爐，同埋都一再多謝款待過我地既內場人士，你地既高質服務態度再加優質食材，同埋仲有一點係現今比較才食店做到既，就係會走去客人身邊發問有冇咩地方要改善，呢點我係十分欣賞！所以我地好快再次光臨！
张贴
