盛八日式燒肉放題店 (已結業)

之前飲食雜誌介紹盛八嗰陣時，我已經深深被它吸引住，一值都好想好想一試，後來我生日男朋友帶咗我嚟食，初時我看到評語寫盛八D嘢食好貴同唔抵食，心已經涼一涼... 但原來都幾得...我一日早book咗10:00，雖然book咗位但係都要等一陣先有位，門口位置不太好太迫了，不過好彩入面個環境總算不錯，都幾有日本feel，拍拖撐枱腳就最啱，地方雖然不大，不過坐位都總算闊落。嗰日我叫了$188的宵夜套餐，有長腳蟹:都幾好味同幾新鮮，蜆:都幾好幾新鮮，果味牛胸腹:真係有淡淡的果味，都幾特別而牛肉就好軟綿綿，牛舌:一片一片的牛舌好似好普通，但食落好爽口，香草雞肉:諗住係好普通的雞肉，但都算不錯都幾滑，豬頸肉:都好好味，鴨胸:燒都好香口，真係好好食。整體上哩個套餐都幾低食，款式又多每款的份量都幾夠...另外叫咗一口牛舌:一口牛舌要比平時燒得耐d，味道就一般，一片片的牛舌反而好吃d，而厚切牛胸腹:嘩！真係唔講得笑，真係好得，入口即溶，脂肪分佈平均，好香好軟好淋，而家想起都好想食，唔食真係走寶喇... 真係一個字“得”呀！服務都不錯，有問必答，不停為你加茶。