滿江紅小甜甜 (已結業)

本身想食老川皇，我食開，但太多人等位，落左下一層，小甜甜都係食川菜。諗住可能差唔多!但係差太多，點左水煮魚，啲魚好多骨，仲好勁細（老川皇得冇咩骨）下面嘅芽菜好似枯死左咁，一啲都唔爽，青菜好硬。薑蔥雞冇咩味，啲雞肉好諧。擔擔面不過不失，最好食係個蒜蓉炒蕃薯葉，幾新鮮，同埋唔太油！不過唔記得影相但係真係同老川皇差太多啦不過個環境幾衛生， 啲侍應又幾好禮貌，不過啲座位坐得冇咁舒服，所以整體來講，唔會特登再嚟食！