影片
更多
2014-08-07
16889 浏览
團購了位自助晚餐，每位$188再加$29.8服務費，本來諗住咁既價錢,期望不高，但結果都係有D失望。食物方面刺身只係有三文魚，全晚亦都係唯一能令人滿意的食物；長腳蟹入面一泡水同埋腥，好似唔係幾新鮮，食左都驚自己頂唔順。另外赤蝦原隻連殼要自己剝，裏面有腸，食落口感覺差勁。其他沙律有各種菜、柚子，多款醬汁,尚算可取，但通粉沙律就太硬同無味。燒西冷就好多筋、羊扒睇到都唔開胃，硬掘掘同黑掹掹,我本身鍾意食羊都頂唔順。熱葷只有平價野，紅酒炆牛肉、炆雞，腐皮卷，實在難登大雅之堂。到淥麵當就得腸仔魚蛋等，真係嘥氣。甜品最差，豆腐花硬身似豆腐多D，跟住都蛋糕好似幾十年前D西餅，再加上黃色、綠色食落無咩味得個甜字既糕。唯一可以安慰既就係Haagen dazs雪糕，有新出藍莓，但係桶意大利芝士味就溶溶地，掘到底。唉！雖然團購係平，但係如果將貨就價，就降低自己格調。如果真係要平價黎吸引，唔怪得你，可以少D選擇，但係做得精緻D，唔好做衰間酒店個名，話晒Courtyard Marriot 係我心目中都算名牌，但試完今次當堂減分。當晚入座可能都無30人，睇落都係唔掂。
食物方面刺身只係有三文魚，全晚亦都係唯一能令人滿意的食物；長腳蟹入面一泡水同埋腥，好似唔係幾新鮮，食左都驚自己頂唔順。另外赤蝦原隻連殼要自己剝，裏面有腸，食落口感覺差勁。
其他沙律有各種菜、柚子，多款醬汁,尚算可取，但通粉沙律就太硬同無味。
燒西冷就好多筋、羊扒睇到都唔開胃，硬掘掘同黑掹掹,我本身鍾意食羊都頂唔順。
熱葷只有平價野，紅酒炆牛肉、炆雞，腐皮卷，實在難登大雅之堂。
到淥麵當就得腸仔魚蛋等，真係嘥氣。
甜品最差，豆腐花硬身似豆腐多D，跟住都蛋糕好似幾十年前D西餅，再加上黃色、綠色食落無咩味得個甜字既糕。唯一可以安慰既就係Haagen dazs雪糕，有新出藍莓，但係桶意大利芝士味就溶溶地，掘到底。唉！雖然團購係平，但係如果將貨就價，就降低自己格調。如果真係要平價黎吸引，唔怪得你，可以少D選擇，但係做得精緻D，唔好做衰間酒店個名，話晒Courtyard Marriot 係我心目中都算名牌，但試完今次當堂減分。
當晚入座可能都無30人，睇落都係唔掂。
张贴