霸嗎拉麵 (已結業)

下午好肚餓，所以就落街是但搵啲嘢食，跟住見到呢間拉麵，未食過就入嚟試吓，之後就帶咗個炙燒豚肉味玉拉麵。因為其實我比較怕油膩嘅嘢，所以我揀咗小油嘅。食落都幾有驚喜，因為一啲都唔油膩，雖然個湯睇落好濃，但係就冇乜油膩感，而且佢嘅豚肉都整得幾好食，同埋我好鍾意佢嘅蛋真係糖心蛋。不過我都係略嫌佢嘅豚肉稍為肥咗少少，而且佢個湯底飲完之後好口乾，感覺好似好多味精，因為我飲咗勁多水個口仲係好乾，但係作為午餐來講算係正常。