開餐達人

营业中

休息中

觀塘工廈裡面埋藏住好多餐廳，需要各位食家一一發掘。呢間餐廳亦係其中一間。呢間開餐達人首先要讚的，係佢入面別緻的設計。裡面既佈置係一個個懷舊香港風。每張枱子上面總有一款係關於舊有的娛樂和特色。就好似我枱上的這一張。不過瑜不掩瑕，菜式實在太差勁了。呢一天本太子黎到這裡，點了個吉列蝦蟹棒雞豚肉稻庭烏冬，覺得好失望。首先錯中之錯，係呢個上碟方法。好明顯呢隻吉烈蝦已經浸到完全唔吉烈，呢個年代實在應該諗下分碟上。林左，算啦～好味味得囉，之但係好明顯一睇呢個湯淡而無咪，所以d雞豚肉食落都冇晒味。好啦，話明食烏冬當然應該著重烏冬，但係一咬一食之下就覺得d稻庭烏冬一d都唔稻庭，食下去就同一般米線差不多。無論主菜還是烏冬都不合格。本太子認為餐廳著重外表和多元化之餘，更應該多著重自己既內涵和是否每一方面都可以兼顧，名字也不要太浮誇。