小糖鈕 (已結業)

終於有機會試下尖沙咀嘅小糖鈕甜品，呢度的裝修充滿衫鈕的計設裝飾，非常可愛！今次點左蘑菇湯、黑松露意粉、美國Prime西冷扒 5oz、 蘋果薑茶、玫瑰荔枝特飲，仲有一份朱古力蛋糕。蘑菇湯好幼滑，食到淡淡嘅磨菇味。黑松露意粉就份量十足，每一條意粉都好creamy，黑松露就令味道提升。美國Prime西冷扒係好有牛味，點埋特製嘅醬汁食一流，鍾意食牛嘅朋友一定要試。而兩杯特飲都各有特色，薑茶飲完好暖胃。玫瑰荔枝特飲超有驚喜，飲品一到係不停冒煙，冰塊在內打滾，令小朋友看到哈哈大笑，荔枝味亦好fresh。最後朱古力蛋糕口感好實在而且甜度適中。下次有機會我一定會再嚟試其他嘅食品。