囍源古早蛋糕 (已結業)

古早味蛋糕越黎越流行，雖然自己都可以整到，但始終外面既味道係唔同啲既今日行開深水埗就見到依間古早味蛋糕，見櫥窗外面有蛋糕display比人睇同摸，仲要係真嘅蛋糕，問咗老闆原來係想啲客人睇同買係一樣，完全係好貼心既事，而且老闆係去台灣學藝返黎，經過佢哋嘅調整，佢地既蛋糕係用咗少油配方，摸落去隻手完全唔油，啱哂啲怕肥嘅人！我見餐單有好多口味，可能我太夜去啦，大多數都已經沽清，我想食既朱古力都冇，唯有下次再去幫襯，今次我叫左兩個，有紫薯同奶黃。老闆話紫薯已經有兩個禮拜冇做啦，因為搵唔到靚既日本紫薯所以就冇做，咁啱我有口福可以買到。一切開滿滿既紫薯蓉流出黎，紫薯又甜又香，果然真係用足料，再配埋鬆軟厚實嘅蛋糕，簡直做早餐一流，又健康。奶皇就好似食緊奶黃包一樣，濃濃既鹹蛋黃，但加上鬆軟濕潤嘅蛋糕，可為簡單既古早味蛋糕添上另一個層次。順便一提，老闆建議最正嘅翻熱食方法係電飯煲撳保溫功能，將蛋糕切一片片放喺飯煲入邊再焗三至4分鐘後攞出嚟再食，熱辣辣香噴噴就好似焗完蛋糕一樣，唔會好似微波爐咁整出黎乾爭爭。仲有可以一個星期內預訂自己鍾意嘅古早味蛋糕配搭，2件起，一到就可以攞，唔會錯過想食嘅味道。