金鶴拉麵 (荷李活道) (已結業)

金鶴響中環開左分店呀！仲係試業中！位置：荷李活道、就響扶手電梯旁邊裝修：有半開放式廚房、坐 bar 枱可以見到廚師煮麵；枱與枱之間唔擠迫服務：一坐低，女店員就問我地要熱茶定係冰水；遞上菜單，同我地介紹店舖嘅招牌，分別係白雞湯拉麵同埋鰻魚飯；鰻魚係台灣入口，即叫即燒、原條燒。最後我哋要咗雞白湯拉麵同埋雞白湯沾麵，再叫咗一串蒲活燒鰻魚串雞白湯拉麵一上枱，店員介紹點樣食呢個面，先食新鮮炸起嘅牛蒡，趁熱食，好味道！雞胸係超級嫩滑，店員提醒唔好浸入個熱湯到，會影響雞肉嘅肉質。跟住有兩片烤過嘅豚肉，好香。雞白湯好濃郁，有好濃嘅雞味，但係一啲都唔油膩。雞白湯沾麵店員話個沾麵湯食食下唔夠熱、可以加熱返。沾麵有全隻嘅溏心蛋，我感覺沾麵嘅湯好似比湯麵更濃更厚身。但係沾麵無炸牛蒡⋯湯拉麵定係沾麵⋯好難揀啊最好每次都同老公嚟食，每人叫一款😆蒲燒活鰻魚串燒完一啲都唔乾，肉厚，好好味以後可以行落去就食到喇，開心