達人包車 (已結業)

尖沙咀出名多韓食，所以決定去發掘下。見到呢間價錢唔貴，就去試下呢間。午餐便當有四款，我就叫咗辣炒魷魚。炒魷魚係韓國都好常見，但係香港餐廳一係就冇、一係就比其他例如烤牛肉貴。難得今次有，同埋都係$58。便當好豐富，有唔同前菜。但同其他地方唔同，前菜係冇得任添加。前菜嘅魚餅不過不失，泡菜就有d強差人意，冇味嘅。前菜仲有薯蓉，好味，只係個組合有d奇怪。第一次見韓食有薯蓉作配/前菜。辣炒魷魚唔辣，冇辣椒嘅香味。初時以為魷魚好少，但食落都幾多，仲有洋蔥呀。其實成個便當你都唔難搵到洋蔥嘅蹤跡，好彩我係愛洋蔥架！ 朋友就叫咗照燒雞扒便當，賣相一般。原本以為會好靚全執塊雞扒，點知只係雞件/柳。味道我就唔知喇。飲品叫咗米露水。某程度黎講食呢間係因為想米露水。甜甜地，真係好好飲。平食韓食，都唔可以有太大期望，只係當思鄉就得。