五十嵐日本料理 (已結業)

裝修後重開第一日，本著試新野的心態，入左去食，點知......叫果樣無果樣，待應好似未訓醒，問野唔識答，亦都唔多想服務你! 算啦......可能新開業，未準備好!重開咗咁耐，斷估準備好啦掛~所以星期一同朋友入咗去食下午茶，我叫了和風雞肉飯，而同行朋友則叫了海鮮鍋配白飯。呢個下午茶真係.....好難食!首先講下個和風雞肉飯，雞扒呈上來時，賣相尚算可以，但一反轉，黑色的!食落去，重重的「焦」味，比起未裝修前，真係難食N倍!至於個海鮮鍋，更加係不能接受(記得之前食都唔係咁)，個湯竟然係白雪雪，上面有一層白泡。可能大家覺得我講得有點誇張，但請大家睇下相，就會明白我並沒有誇大......味道其實係可以接受，但由於賣相實在有啲得人驚，真係唔多想吞落肚。食野唔少得飲野，我地2個都點了熱檸水，本以為檸檬加水實無死。可是，我們都錯了! 檸檬在杯時確實有酸味同檸檬香，但一拎走......清水你好!點解環境咁低分?因為無論坐入面定坐出面，都係唔夠冷氣囉!好熱!