黑金堂 (已結業)

11•11三罷，你要知道有啲鋪頭開住門唔係為咗做生意賺錢咁簡單，佢哋會捐物資捐錢，甚至係將賺到嘅錢捐幫一班義士；因為我哋係真正嘅香港人。今日複診完去附近幫襯下小店，之前已經幫襯過”黑金堂”，試過佢哋嘅黃金珍珠，今日再訪就試下佢嘅招牌N1系列。俾錢果下發生小插曲，店員同我講今日唔收錢，如果想比嘅話可以放落”星火捐款箱”幫班有需要嘅人，心都酸埋。尤其今朝啲新聞，諗都唔使諗即刻課金，寫咗句”香港人，撐落去”，寫唔落去喇.......點解我哋個家”香港”會變成咁，點解可以咁荒謬。🍵【N1紅茶/黑糖珍珠/鮮奶/香草慕絲$36】除咗招牌系列之外，仲可以由茶種到配料(珍珠、慕絲)任客人選擇，製作出一杯最啱自己心水嘅茶飲。N1系列嘅香草慕絲香滑綿密，黑糖珍珠軟糯有咬口，紅茶茶底香氣四溢，茶味醇厚。