Express Bar by Lassana (已結業)

作為一個頂級榴槤控（我連icon都係榴槤吖！），如果遇到一個好食嘅榴槤蛋糕，開心同興奮嘅程度，大家可想而知！！今日外勤去到觀塘的〈觀點中心〉竟然遇上令我不能忘懷（絕無誇張）的〈焦糖榴槤芝士蛋糕〉！〈焦糖燉蛋〉大家就食得多，而一個蛋糕上面有〈焦糖面〉嘅感覺究竟係點呢？？買完之後就急不及待拿回家吃，竟然現在才發現蛋糕是用小木盒包裝著，非常精巧美觀，用來送給別人或者作生日蛋糕也有夠體面打開小木蓋後，金黃色的焦糖面就呈現眼前。用刀子輕輕切開，薄而香脆的焦糖面應聲〈卡〉的一聲就碎開了。咬開清脆的焦糖下是密度高得像cream cheese般的榴槤芝士層。入口香軟綿滑，先是濃郁的榴槤香甜味，接著便有淡淡的芝士香滲出，味道層次分明。一次過嚐到焦糖的香脆，榴槤的香甜和芝士濃香，三種極致味覺享受。真係實在太好味，又一〈不能忘懷〉系列成員