La Famille (已搬遷) 新店位置

甜品從來都係治療人哋心情嘅最佳良藥，即使平日唔太喜好食甜品，但當甜品落入口中，心情就會自然變得好。最近工作壓力非常之大，今日放工喺公司樓下呢間蛋糕店買咗兩件細嘅蛋糕返屋企，獎勵一下工作完成。間鋪頭係一個pop uP style，店內以戚風蛋糕為出名，種類超過10隻。味道花多眼亂，選擇困難症嘅我幾經糾結，最後決定買椰子芒果同埋伯爵朱古力。. 前者比較有驚喜！清新嘅味道散發出淡淡嘅椰子清香，唔係芒果季節但係芒果唔會好酸！戚風蛋糕睇相當鬆軟；上面嘅cream一啲都唔漏，配埋清清嘅蛋糕一齊食，非常之match。. 鍾意濃一啲，呢款伯爵朱古力就適合大家，茶味雖然唔係好濃，但係淡淡嘅清香，朱古力味唔會蓋過伯爵嘅香味，反而朱古力嘅濃香為蛋糕增加咗一份風格！. 戚風蛋糕一向都畀人健康嘅感覺，因為唔會太油，牛油成分唔重，所以拎上手都比較輕身。賣相相當討好； 一啲都唔會過甜同漏。其實一個人食曬呢一個絕對唔過份。