漁不老烤魚雞煲火鍋 (三陂坊)

每次去荃三陂坊揾食，只識得打冷同炒小菜，今次見到呢間漁不老呢個名幾特別，就入去試試。
人去第一個感覺裝修幾得意，跟著坐低睇吓餐牌，望落價錢又唔貴，所以就試咗香辣味烤魚同麻辣雞煲。香辣烤魚我就揀咗沙巴龍躉，味道真係十分，魚多肉少骨，無因為多香料蓋過魚味，好食！
麻辣雞煲，雞鮮嫩滑，麻香味十足！
食完魚我哋仲叫咗啲打邊爐配料，醉雞子，招牌肥腸同鴨血，配上香辣魚汁，簡直天衣無縫絕配！
仲有佢嘅小食腐皮蝦卷同泡椒雞腳，好味😋😋
總結:可以再試，下次試吓佢哋小龍蝦同埋藥膳雞煲！👍🏻👍🏻

香辣烤魚(沙巴龍躉)

$398

麻辣雞煲(1隻)

$238