炙・宴 (The LOHAS康城)

我地幫襯過好多次，尤其鍾意食佢既和牛丼。


今晚好想食和牛丼，叫老公買外賣返嚟，但今次經驗非常失望😞。開蓋時唔覺有咩問題，食食下就發現佢唔係以前一塊塊既和牛，變左一條條既牛柳c? 個汁同之前味道都完全唔一樣，好唔開心？ 好嬲點解一間和食餐廳好味既「和牛丼」變左一碗好似茶記出既劣質牛柳c飯？


我唔知道佢係做生意唔老實定點？ 如果佢係賣晒或者冇晒和牛既，就應該老實同客人講咯！ 唔係係度混水摸魚？ 為左賺錢，攞 d頭頭尾尾剩餘既低品質食物比客人實屬不智？ 仲要係「昆」我地呢d 常客街坊🤬？