北京樓 (MOKO新世紀廣場)

营业中

休息中

是咁的，難得FD子生日俾次機會佢話事食乜。佢話想食片皮鴨，經過一輪商議最後揀咗呢間北京樓。先嚟嘅係北京蔥爆牛肉，牛肉都幾嫩滑，撈埋啲汁同蔥一齊食好香口。首先嗰名不明覺厲，淨係個名咁勁已經覺得值回票價啦。而味道嚟講辣味個人覺得啱啱好，但FD子們就覺得辣到食唔到，真係好渣。魚肉雖然唔知係咩魚，但食落好滑無骨都算唔錯。成晚嘅主角終於出場，片皮鴨嘅皮燒得都幾香脆，用荷葉餅包埋青瓜同京蔥再塗上醬汁一齊食別有一番風味。另外仲有炒鴨菘，用生菜片包埋一齊食別有一番滋味，味道極為奇怪，簡直浪費咗啲片皮鴨咁。食咗咁多肉梗係嗌返碟菜中和下，雖然味道比較清淡但都幾鮮嫩。最後當然嗌返份點品收尾，點知最後先嚟中伏。首先呢碟嘢嘅擺盤賣相一碌碌_咁，望落似俾長頸鹿反芻完再吐返出嚟咁，說好的拔絲恍如唾液一般又濃又稠。味道就當然好難食啦，真係寧願成條蕉咁上碟都仲好。撇除個甜品呢餐都唔錯嘅，鍾意食片皮鴨嘅都值得推薦。