佳記甜品 (已搬遷) 新店位置

似我地特登入元朗食甜品嘅唔知有幾個-.-有個朋友一直話B仔甜品好好食，嚟到元朗點都search唔到B仔甜品，見間佳記排長龍，就唸住試試，原嚟傳說中的B仔甜品就係呢度涼粉。因為已經食得好飽就冇點個B仔涼粉，但係睇落有冇咩特別，涼粉上面砌咗好多水果。以為係涼粉好食，就點咗個唔記得咩涼粉。涼粉好硬好普通，唔係我鐘意嗰種。加埋煉奶都苦苦地，唔中意食。朋友叫咗個楊枝甘露，都係麻麻地，芒果味唔夠濃，料得西米比較多。最後拎走一個芒果糯米糍，好軟熟同新鮮的芒果味！連續食一盒一啲都唔滯！後悔冇買多幾盒。見好多人都食雞翼尖，好似好好食。阿姐服務係差啲。