影片
更多
2008-06-09
6 浏览
難得返香港, 今日同左啊妹同埋"仙人掌"去到旺角,...記得睇過openrice 各位既介紹,就去左八麵玲瓏度食野..因為我同啊妹lunch都冇食野既關係,好早就上到去.. 大約6 點幾喇..一出lift門...就見到間野啦...嘩.....但有0的驚囉.....雖然早姐...都唔駛冇人掛...但一於唔理....都上到0黎啦...就入左去啦....被安排坐到卡位...我覺得有少少迫囉...窄左0的....同埋0的地板有0的"痴立立"0既感覺...睇下餐牌...好少野揀....好多都係"牛"......同埋焗野....諗左好耐...叫左3個餐...唔係好記得叫咩名,,,好似一個係"西冷扒薯菜$45"、一個係"牛柳炸蝦意粉$50"，仲有一個係個侍應介紹....係0的雞卷同埋帶子跟薯菜$65...我問0的雞卷係點架?個侍應仲講..."好得意架..幾好味...個雞卷裡面有層蝦膠"因為真係諗唔到叫咩...唔想叫湯麵嘛...咁咪叫左囉.....0的野0黎到...賣相講真真係麻麻...好似茶記0的貨色囉...等左好耐..我個雞卷0黎啦...下.....雞卷....似係一舊舊雞喳....有蝦膠...邊
今日同左啊妹同埋"仙人掌"去到旺角,...
記得睇過openrice 各位既介紹,
就去左八麵玲瓏度食野..
因為我同啊妹lunch都冇食野既關係,
好早就上到去.. 大約6 點幾喇..
一出lift門...就見到間野啦...
嘩.....但有0的驚囉.....雖然早姐...都唔駛冇人掛...
但一於唔理....都上到0黎啦...
就入左去啦....
被安排坐到卡位...
我覺得有少少迫囉...窄左0的....
同埋0的地板有0的"痴立立"0既感覺...
睇下餐牌...好少野揀....
好多都係"牛"......同埋焗野....
諗左好耐...叫左3個餐...
唔係好記得叫咩名,,,
好似一個係"西冷扒薯菜$45"、一個係"牛柳炸蝦意粉$50"，仲有一個係個侍應介紹....
係0的雞卷同埋帶子跟薯菜$65...我問0的雞卷係點架?
個侍應仲講..."好得意架..幾好味...個雞卷裡面有層蝦膠"
因為真係諗唔到叫咩...唔想叫湯麵嘛...咁咪叫左囉.....
0的野0黎到...賣相講真真係麻麻...好似茶記0的貨色囉...
等左好耐..我個雞卷0黎啦...下.....雞卷....
似係一舊舊雞喳....有蝦膠...邊到呀?
食唔到囉...最後發現有一舊有...但唔好食...都唔係卷0黎0既...
似係雞脾起左骨喳....釀左0的蝦膠入去囉..
仲有...有一粒帶子咁大把......又係唔好食.......
唉......無可口非..佢係好慷慨咁俾0的汁0既...
算啦...諗住最尾叫埋餐飲....
一杯凍o茶、凍o水同埋凍咖啡....
一見杯凍咖啡..上面有0的cream...心諗應該ok好飲啦..
但一飲....嘩....."雀x 3合1"...真係...."好好飲呀!"
我試埋仙人掌杯凍o茶.....又係怪野....冇味.....唉.....
心裡面...真係覺得0黎錯左....
唔多掂囉....唉......
雖然係唔駛加一......但唔駛冇服務可言...
一入到去坐低...俾0既水係凍水....
仲要全程唔會加水俾你...
其間有客叫佢地加水..佢地竟然係拎過另一個杯俾佢...
我心諗.....0的水.....係咪水喉水呀?唔可以加水去佢原本0既杯咩???
真係.....好彩冇飲喳.....
因為嗌左凍飲....每杯加 $3...
賣單就 $169...
每人要俾成 $56 食呢餐...
其實唔係貴...但我覺得咁0既食物..
真係唔值呢個價囉...
真係好後悔試左呢間餐廳....
我平時唔寫食評..因為懶嘛....
但今次一定要寫....因為我覺得呢間餐廳真係唔多得....
大家如果真係想去..
考慮清楚0的啦...
我就一定唔會有下次囉.....
张贴