冰室99 (已結業)

今日去呢間新餐廳外賣自取三份午餐，落單嗰時同我講等約15至20分鐘，卒之唔追都冇等（罰企）足30分鐘！當企左20分鐘之後發覺外賣Number比我後嘅，外賣都攞得我都仲未有。應該係廚房亂咗單，店員完全冇道歉。食物味道非常麻麻，雞扒鹹，牛扒韌，焗豬扒飯啲豬扒冇乜味道（冇諗過衰過大家樂10倍）！餐湯係疑似羅宋湯但係似有啲雜菜係啲橙色嘅水裏便咁樣完全冇味道。食物溫度不冷不熱（攞到返屋企開餐大約5分鐘而已）。冇下次。茶餐廳或者冰室來講三個餐夾埋$196⋯⋯咁嘅價錢食咁嘅質素，你哋自己諗啦！