一品螞蟻 (已結業)

尋晚同朋友落KWAI FONG食飯,入左新都會都唔知食咩好,見到一間叫ANT ONE既餐廳個FEEL 都幾好就入左去喇,點知入都去D人目口目面,咁冇禮貌...都未曾試過咁既!!!我地坐低左之後就睇menu,D野食睇相睇落好似好好味咁,睇左一陣就叫侍應過黎寫野,舉手舉左好耐都冇人理,有個靚女見到我地舉手即刻放低佢手上既食物就幫我地寫野.....出菜時間都ok,起碼唔都將所有野一次過黎哂...我地叫左兩個set,最好味係個三文魚炒飯....d小食同其他野食都ok,諗住叫野飲果陣有個女人行埋黎問飲唔飲野,我同班fd都o哂咀咁.......好恐怖a!!!我地問佢有咩飲佢仲話得水有你要唔要,我心諗真係吹你唔漲.....仲要比你串...下次真係唔幫襯佢a...最後我地連野飲都冇飲就走人.....好希望呢間野好檢討下d態度,不過值得讚既係果個靚女~總算冇黎錯!!!