江戶人 (已結業)

因為見佢新開張捻住試下，點知嘢食同服務都鬼咁差。入到去立即有人招呼到卡座坐，坐墊會走來走去，坐得好唔舒服。跟住點嘢食，叫o左海膽三文魚花之戀壽司、玉子海謄壽司、三文魚壽司、玉子壽司、辣腐皮壽司、同吉列豬扒拉麵，除o左海膽三文魚花之戀壽司、玉子海謄壽司較好食外，其餘壽司好似百佳賣嗰D，但係D飯一夾就散晒，個吉列豬扒拉麵仲差，湯底似"出前x丁"都不特止，塊吉列豬扒細塊又炸到乾晒，D醬俾得好少(大約半茶匙度)，心捻使唔使咁慳呀！至於服務就真係最不知所謂，落單時交點壽司張紙俾侍應同埋話要多個吉列豬扒拉麵，再問係咪可以加錢叫飲品，佢答我叫壽司唔可以，問我有冇落過其他，咁我追問佢有冇幫我落吉列豬扒拉麵，佢先記得，然後幫我落凍檸茶。跟住D嘢食陸續送到，連最後到既拉麵我哋都食完杯凍檸茶都未見，追佢先補嚟，不過呢D都唔係最差既，最差既係俾錢後等找錢，全場得我一過埋單，個侍應拎D錢俾個收銀後行開，另一個侍應執拾好碗碟，都未找錢返嚟，我一路留意再個收銀好耐，佢只係不停係度摷嘢，跟本冇意思要收錢找錢，我唯有又追個侍應，咁個收銀先遞俾侍應，乜都要追真係火都嚟埋，我發誓，無論點我都唔會再嚟食嘢！