影片
更多
2008-05-30
9 浏览
huffy:食好嘢要排隊心甘命抵，但如果嘢又唔好食，服務態度又差，又烏糟又大支嘢嘅，排成粒鐘去食，真係勁揼心，超後悔！兩條友等成粒鐘，門口姐姐問了5次：到齊未，我哋兩個無走開過，想跳飛叫都唔使咁，比佢跳咗3張飛終於入座嘞，一坐底即見到壽司吧內嘅師傅，攞住支海綿地拖係我前面個"升盤"度洗，一路洗一路傾計，啲地拖水飛晒出嚟，睇到我哋眼都凸埋出嚟，咁都得？等咁耐無理由唔食掛，啱啱放件壽司落口，有條友走過嚟話：我有個3，要你調一調位，我成口壽司都末應佢，佢巳絰一手拉緊我張椅，火都嚟埋，轉頭正想鬧佢時，佢果個所謂3，巳經楝係我哋後面，其中重有個好得意嘅小妹妹，唉！算啦！調就調啦！跟住調左過對面，人都未坐底，又有條友成隻碟"車"埋嚟，記住係"車"唔係"放"，隻碟係未調位前我哋食嘅，使唔使咁呀！一路食食到頂住條氣，諗住拿拿聲食完走，一次過叫咗12碟壽司，点知又漏單，三文魚子及海膽軍艦各2客，追咗3次都未嚟，嘈咗一輪，終於見到裏面個厨房放咗果啲壽司係"窗口"，点知成班壽司師傅顧住吹水，完全無人理，我終於忍唔住嘞，提高聲線問：唔該，放係"窗口"成10分鐘無人理果兩碟嘢，會唔會係我哋追咗3次都未嚟嘅嘢呢？
兩條友等成粒鐘，門口姐姐問了5次：到齊未，我哋兩個無走開過，想跳飛叫都唔使咁，比佢跳咗3張飛終於入座嘞，一坐底即見到壽司吧內嘅師傅，攞住支海綿地拖係我前面個"升盤"度洗，一路洗一路傾計，啲地拖水飛晒出嚟，睇到我哋眼都凸埋出嚟，咁都得？等咁耐無理由唔食掛，啱啱放件壽司落口，有條友走過嚟話：我有個3，要你調一調位，我成口壽司都末應佢，佢巳絰一手拉緊我張椅，火都嚟埋，轉頭正想鬧佢時，佢果個所謂3，巳經楝係我哋後面，其中重有個好得意嘅小妹妹，唉！算啦！調就調啦！跟住調左過對面，人都未坐底，又有條友成隻碟"車"埋嚟，記住係"車"唔係"放"，隻碟係未調位前我哋食嘅，使唔使咁呀！
一路食食到頂住條氣，諗住拿拿聲食完走，一次過叫咗12碟壽司，点知又漏單，三文魚子及海膽軍艦各2客，追咗3次都未嚟，嘈咗一輪，終於見到裏面個厨房放咗果啲壽司係"窗口"，点知成班壽司師傅顧住吹水，完全無人理，我終於忍唔住嘞，提高聲線問：唔該，放係"窗口"成10分鐘無人理果兩碟嘢，會唔會係我哋追咗3次都未嚟嘅嘢呢？跟住就見到一個身穿黑色制服，名牌寫住"主厨"帶眼鏡嘅男人，雙眼反白一吓，然後攞咗啲壽司比我哋，軍艦啲紫菜濕晒，跟住條友重咀藐藐同其他師傅眉來眼去，然後重笑笑口，搖搖頭咁差住條腰楝正係我哋面前，呢啲到底係セ嘢態度？條友個名係單一個字嘅。
最後埋單走4百幾，又貴又唔好食，又烏糟，員工又大支嘢，不知所謂，臨走起身，居然見道原先好有台型嘅"主厨"踎咗係枱底，攞住個手机係道吹水，セ你唔係大晒嘅咩，使唔使咁鬼鼠呀？
张贴