影片
更多
2021-09-28
3341 浏览
成件事受氣到爆，慘過同佢乞食！又痾又嘔，賠錢買難受！呢間家嫂招呼勁差，食物係多、質數可以，不過食完簡直係貼錢買難受，又痾又嘔🤮🤢19:45 坐低唔夠5分鐘已經上食物，食物亦同我一行4人份量相同，正唸住食果陣有個待應阿姐（下稱無禮貌阿姐）衝埋黎話碟嘢唔係你地架，跟住就問都無問就拎走🤬🤬完全唔知咩事。唔夠1分鐘又上一碟相同既食物，問第二個待應阿姐（下稱新手有禮貌阿姐）呢碟係咪我地，佢先話係，頭先果碟係之前坐我地張枱轉咗枱🤬🤬前後唔夠1分鐘，都唔知果條無禮貌阿姐勞嘈啲乜！ 頭round魚生小食好豐富，一大盤魚生同8碟小食，上咗菜又要出去攪醬碟，加埋食咗未夠15分鐘，條無禮貌阿姐出場掉個骨盤係中間打邊爐位叫我地倒骨，我問佢未食完倒咩骨。佢話叫你倒就倒啦，上雞煲呀。我話都未食完頭盤，上咩雞煲，佢話食唔切呀，要咩辣呀。呢一下，真心想爆粗，不過比啲朋友襟住，唔明咩事未食晒就迫你要上雞煲！好啦，雞煲未食完，條無禮貌阿姐又出場，又叫你倒骨上火鍋，當時雞煲仲有40%、魚生50%、小食50%，時間為20:15。話住唔要上火鍋，條無禮貌阿姐根本彩你都儍，淨係問你要咩湯底🤬我話有人唔食得海鮮，份海鮮唔好出住，淨
呢間家嫂招呼勁差，食物係多、質數可以，不過食完簡直係貼錢買難受，又痾又嘔🤮🤢
19:45 坐低唔夠5分鐘已經上食物，食物亦同我一行4人份量相同，正唸住食果陣有個待應阿姐（下稱無禮貌阿姐）衝埋黎話碟嘢唔係你地架，跟住就問都無問就拎走🤬🤬完全唔知咩事。
唔夠1分鐘又上一碟相同既食物，問第二個待應阿姐（下稱新手有禮貌阿姐）呢碟係咪我地，佢先話係，頭先果碟係之前坐我地張枱轉咗枱🤬🤬前後唔夠1分鐘，都唔知果條無禮貌阿姐勞嘈啲乜！
頭round魚生小食好豐富，一大盤魚生同8碟小食，上咗菜又要出去攪醬碟，加埋食咗未夠15分鐘，條無禮貌阿姐出場掉個骨盤係中間打邊爐位叫我地倒骨，我問佢未食完倒咩骨。佢話叫你倒就倒啦，上雞煲呀。我話都未食完頭盤，上咩雞煲，佢話食唔切呀，要咩辣呀。呢一下，真心想爆粗，不過比啲朋友襟住，唔明咩事未食晒就迫你要上雞煲！
好啦，雞煲未食完，條無禮貌阿姐又出場，又叫你倒骨上火鍋，當時雞煲仲有40%、魚生50%、小食50%，時間為20:15。話住唔要上火鍋，條無禮貌阿姐根本彩你都儍，淨係問你要咩湯底🤬
我話有人唔食得海鮮，份海鮮唔好出住，淨係上咗火鍋同普通食物先。條無禮貌阿姐就話唔上就全部唔上，上就一齊上，而家唔上你就食唔切🤬🤬🤬我話照上火鍋同食物，只係叫你唔好上海鮮住，跟住條無禮貌阿姐又好似播帶咁話你而家唔上食唔切🤬🤬🤬🤬🤬啲朋友又話算數有佢照上菜，最後夾硬上晒全部海鮮、火鍋食物同鍋底
上火鍋果陣，雞煲夾硬拎走咗但魚生同小食都未食晒，重點係未食晒，唔係食唔晒！最後啲魚生、雞煲、小食都係因為無位焗住要比佢收晒白白浪費
終於食火鍋，但由於有朋友有海鮮敏感，我地要等佢食完先可以落海鮮，佢已經盡量食得好快，但話晒打邊爐無理由叫人當食碗公仔麵咁急住食，我地30分鐘後開始食海鮮，但海鮮啲冰已經溶到7788，啲海鮮由冰放到變和暖🤬🤬🤬
心唸，呢間嘢已經衰無可衰，點知，最後先黎重頭戲！
未完火鍋又夾硬要上雪糕，叫新手有禮貌阿姐幫手雪返佢先，我地食先叫佢上，當時係21:40。新手有禮貌阿姐好好人咁收返啲雪糕，途經條無禮貌阿姐前面比佢知道我地要雪返啲雪糕，條無禮貌阿姐比個超衰既表情+超晦氣同好人姐姐講：「比返佢地」。最後，我啲朋友又照單收貨，用啲海鮮盤溶剩僅有20%既冰堆住啲雪糕，當然最後食完火鍋啲雪糕都溶得8899
果條無禮貌阿姐行過，我大大聲咁話佢：「不停咁上菜，等啲客食唔切，食到食客食物中毒，最後都係告你地」。條無禮貌阿姐應該已經慣咗比人鬧，扮聽唔到行咗去🤬🤬🤬
果然，食完搭緊車返屋企果陣已經嘔，果晚上吐下瀉⋯⋯呢間嘢，十級不知所謂，就算請我唔洗錢，我都唔會再去🤬🤬🤬🤬🤬
明明收22:00，食個雪糕食唔晒，你咪比人拎住走囉（係獨立包裝雪糕），咩事要夾硬掉晒所有嘢比人！
海鮮要劏、要攪到廚房大佬，你唔合作都算啦，咩事連叫你幫忙雪返啲雪糕一個咁卑微嘅要求都要受到無理對待，不知所謂！食一餐飯，粗口要講100次🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬
张贴