繼(上篇)外賣不果 ，咁咪打電話問吓呢間外賣服務，都係叫3個餐啫，佢話外賣最低消費$30，咁以為實得啦。便問吓幾耐送到。對話如下：
店主：你送去邊架?
我：公主道。
店主：無問題，要包埋來回的士費。
我：哦。咁無嘢啦。BYE
1) 食物消費：每個餐都至少$30。咁3個，我當$90。
2) 的士：我當你唔駛跳標，咁的士費$40
3) 我未試過叫外賣要俾來回的士錢囉。我搭得的士出嚟食，就唔駛叫外賣啦。
4) 茶餐廳嚟咋，以為酒店咩!
都係一餐晏仔，諗住係咁易吃D啫，才發現依間D外賣服務咁不知所謂!
最後，我們都係選擇番「廣東燒味」。
