龍門一番 上海·紫砂燉湯 (已結業)

做左咁耐CD rom, 第一次忍唔住要留言！ 原本大家興高采烈咁食餐生日飯!點知間餐廳真係呢不知所謂……😡😡唔講以為自己去食放題😡限時90分鐘都算，坐到去等左15分鐘都無人比menu, 咁我地唸住有小朋友，唔會計到咁足趕我地走麻，而且侍應又忙咁我地就唔追！跟住落左第一轉單，尚有45分鐘就不停催我地落單都算，我地話食左呢轉先，個經理竟然話唔落無得落單，電腦會鎖單，真係好笑，食左咁多年野第一次聽有電腦鎖單呢回事，到用餐時間尚有30分鐘都唔比落單，好嘢!!!!!!!重點係遂樣嘢食計錢，有咁巴閉咩？唔係放題wor! 我地話有小朋友，第一轉叫既麵你都未到啦，想叫第二轉又唔比叫，有小朋友邊度食得切，酌情處理唔得既咩？又唔見你趕其他台走？我地有旦糕但我地無打算係度食啦！個經理話最多比我地坐多10分鐘，我地唔再為難佢啦，既然第二輪既野食唔想落就取消哂，反正你就算到都食唔切！到最後15分鐘，第一輪個繪麵終於到，唔知以為病人餐，煮到淋哂一pat麵仲熱到爆炸，咁我小朋友都唔想食！亦唔夠時間食！最後我地埋單準時走！真係一肚氣！第一次食飯淨係食左一半飽就要比人趕走……最後就係食M記😅🤣😂咁既餐廳睇佢幾時執！